Merkatoja ka hyrë në ditët më të nxehta.
Disa klube kanë pësuar ndryshime pasi kanë shpenzuar shuma të “çmendura” për të arritur transferimin e objektiveve të tyre.
Spanjollja “AS”, përmes një info-grafiku, ka bërë një bilanc të milionave të qarkulluara deri më tani, sipas klubeve, në kontinentin e vjetër.
Në shqyrtim janë marrë shumat totale, që përfshijnë paratë e shpenzuara për blerje dhe ato të rimbursuara nga shitjet.
Pa dyshim që Real Madrid mund të konsiderohet “mbret” i merkatos (në hyrje dhe në dalje) deri ditën e sotme, me 393 milionë euro. Në vend të dytë të kësaj liste është Atletico Madrid me 367 milionë euro, ndërsa podiumin e plotëson Barcelona me 211 milionë euro. Pra, La Liga është “kampionia” në këtë drejtim.
Në këtë përllogaritje, Liga Portugeze përfaqësohet ngas plotëson Benfica me 198 milionë euro të qarkulluara në merkato; Serie A nga Roma, me 134.5 milionë euro; Ligue 1 me Lyon (152 milionë euro); Bundesliga me Bayern Munich (152 milionë euro); Premier League me Chelsea (164 milionë euro) etj.
Ajo që bie në sy është mungesa e investimeve tek klubet italiane të cilat përfaqësohen vetëm me Romën e pozicionuar në vendin e 9-të.
Ja 10 klubet më aktive në merkaton e kësaj vere (blerje dhe shitje).
