Megjithëse Chelsea më në fund mori sulmuesin që kërkonte gjatë gjithë janarit, mesa duket Conte nuk do të mundet ta shpëtojë postin e tij.
Italiani ka qenë në prag krize gjatë gjithë sezonit aktual.
Që nga momenti që skuadra e tij u mund nga Arsenal në Community Shield ajo nuk ka qenë më e njëjta.
Në klub ka një ndjesi që ai do të shkarkohet në fund të sezonit dhe e vetmja gjë që mund t’i shpëtojë punën është triumfi në Champions League, diçka që nuk ka shumë gjasa të ndodhë.
Fakti që Conte fitoi titullin vitin e kaluar duke befasuar të gjithë dhe finalja e FA Cup do të harrohet shumë shpejt nga pronari i Bluve.
Abramovich njihet si një pronar i paskrupullt dhe ka shkarkuar emra si Mourinho dhe Ancelotti në të shkuarën.
Conte është një trajner kokëfortë, dhe shpeshherë ka kritikuar drejtuesit me deklaratat e tij të kamufluara. Drejtuesit kanë dëgjuar me vëmendje, dhe nëse situata nuk ndryshon në ndeshjet e ardhshme, shkarkimi i tij mund të vijë edhe përpara se të përfundojë sezoni.
