Trajneri i Chelseat, Antonio Conte, është i etur të rikthehet në Itali dhe ta marrë pozitën boshe të trajnerit të Kombëtares së Italisë, sipas presidentit të komanduar të Federatës së Futbollit të Italisë, Roberto Fabbricinit.
Conte e braktisi stolin e Italisë për të kaluar në Chelsea pas kampionatit evropian “EURO 2016”, por pasuesi i tij Gian Piero Ventura u shkarkua pasi nuk arriti ta çojë Italinë në Kupën e Botës “Rusia 2018”, transmeton Express.
Spekulimet rreth së ardhmes së 48-vjeçarit janë rritur pas humbjes turpëruese 0:3 të Chelseat në shtëpi ndaj Bournemouth të mërkurën mbrëma.
Nëse Conte shkarkohet nga Chelsea, atëherë ai pritet ta marrë drejtimin e Italisë përsëri.