Carlo Ancelotti mund të rikthehet në La Liga pasi Athletic Bilbao është e gatshme t’ia ofrojë atij postin e trajnerit të skuadrës.
Sipas El Gol Digital, Athletic është i gatshëm ta shkarkojë Jose Angel Ziganda, pas rezultateve të dobët dhe renditjes në pjesën e fundit të tabelës në La Liga, si dhe eliminimit nga Kupa e Mbretit qysh në rrethin e tretë, transmeton Express.
Si pasojë, ekipi bask është duke i vlerësuar opsionet për trajner të ri, dhe sipas transmetuesit spanjoll, Ancelotti është në mesin e tyre.
58-vjeçari ka qenë në stol të Real Madridit nga viti 2013 deri më 2015, duke u udhëhequr skuadrën drejt titullin historik, të 10-in, në Ligën e Kampionëve qysh në sezonin e tij të parë.
Për më tepër, ish-trajneri i Milanit, e ka bërë të qartë se nuk e ka ndërmend ta marrë drejtimin e Italisë dhe se tani dëshiron ta drejtojë ndonjë klub.
