Real Madrid zhvilloi një ndeshje ndaj Atletico Madrid, në kuadër të International Champions Cup.
“Los Blancos” u mposhtën me rezultatin poshtërues 7-3, nga skuadra e po e njëjtit qytet Atletico.
Kapiteni i skuadrës së Real Madrid, Sergio Ramos është shprehur, në një pronocim për mediat, se pjesa e parë e ndeshjes kundër Atleticos ka qenë e tmerrshme, por ka kërkuar një fillim të ri për skuadrën, duke e harruar këtë ndeshje.
“Ishte një lojë ku do vazhdonim punën dhe mund të humbnim në shumë mënyra, por jo siç ndodhi, ishte një pjesë e parë e tmerrshme”.
“Duhet të harrojmë se çfarë ndodhi dhe të fillojmë nga e para”, ka deklaruar Ramos.
