Interi zhvilloi ditën e sotme ndeshjen miqësore kundër PSG-së, e mbyllur në barazim 1-1, por me zikaltërit që fituan falë 11-metërshave.
Menjëherë pas sfidës, ka dalë në intervistë, Milan Shkrinjiar, i cili ka folur për ndeshjen: “Ishte një lojë e vështirë, por ne bëmë një performancë shumë të mirë. Kishim më shumë shanse se kundërshtari, dhe për fat të mirë arritëm të shënojmë në fund të ndeshjes. Ndeshje pas ndeshje ne po bëjmë mirë, ne po rritemi duke ndjekur këshillat e trajnerit. Këto ndeshje të shërbejnë për të vënë minuta në këmbë, ishte një sfidë shumë intensive nga pikëpamja fizike, por jemi të lumtur se si përfundoi. Me Godinin në fushë ishte e mrekullueshme, ai mund të na ndihmoi shumë. Me Konten, iu mund ta shihni që po përmirësohemi shumë.”, u shpreh mbrojtësi.
Shkrinjiar është një nga mbrojtësit më të mirë në Serinë A, dhe Konte mund të mbështet tek sllovaku për të arritur objektivat e klubit. Së bashku me De Vraj dhe Godin, zikaltërit do të kenë një nga mbrojtjet më të forta në Evropë.
