Kryetari i bashkisë së Milanos, Giuseppe Sala është i njohur si tifoz i Interit dhe është ndalur të flasë për “Rainews 24” në lidhje me situatën që po kalon skuadra e tij e zemrës.
“E dua Icardin në fushë në derbin kundër Milanit me 17 mars. Edhe pse nuk jam shumë optimist, jam i mërzitur dhe i dëshpëruar”, tha fillimisht Sala.
Më pas u ndal të flasë për formën dhe lojtarët që po shkëlqejnë me Atalantan këtë sezon, duke u treguar edhe pak euforik në këtë pjesë.
“I pashë ata duke luajtur të dielën dhe i thashë vetes: Pa shikoji këta! Ndërkohë mendova për merkaton që thuhet do blihet ky apo ai… le të blejmë të gjithë Atalantan, kështu zgjidhim problemet. Gjithsesi dua ta shoh Icardin në fushë”, përfundoi kryebashkiaku.
