Moise Kean mund të konsiderohet tanimë një futbollist i skuadrës angleze të Evertonit. Talenti italian me origjinë nga Bregu i Fildishtë, i cili mahniti në pjesën e dytë të sezonit të shkuar falë paraqitjeve të jashtëzakonshme me Juventusin, do të veshë fanellën blu të skuadrës nga Liverpooli, duke prekur për herë të parë në karrierë Premier Leaguen.
Së fundmi për ta konfirmuar këtë lajm, vëllai i Moise, Giovanni Kean ka bërë një postim në Instastoryn e tij, ku e paraqet sulmuesin 18 vjeçar të veshur me fanellën e Everton.
Duke iu referuar mediave italiane, kampionët e Italisë do të përfitojnë 32 milion euro nga kartoni Kean.
