Tiemoue Bakayoko luajti i huazuar tek Milani sezonin e fundit, dhe pastaj u kthye përsëri tek Çelsi, pasi kuqezinjtë vendosën të mos e blejnë.
Mesfushori ishte një nga lojtarët më të mirë të Milanit, në sezonin e fundit, por prishja e marrëdhënies me Gatuzon, bëri që drejtuesit të mos përdornin të drejtën e blerjes.
Tani 24-vjeçari është kthyer tek Çelsi, ku po stërvitet nën urdhrat e teknikut Lampard, por nuk pritet të qëndrojë për shumë gjatë aty. Sipas asaj që shkruan “London Evening Standard”, lojtari nuk e ka bindur trajnerin e ri, dhe pritet të largohet nga Londra shumë shpejt.
Galatasaraj është në bisedime me klubin anglez, për ta marrë mesfushorin në skuadrën e tyre, dhe marrëveshja duket shumë afër.