Futbollisti i Shpresave, Leonardo Maloku, i ka befasuar të gjithë teksa i ka dhënë lamtumirë futbollit italian duke u transferuar te skuadra CD San Roke De Lepe që militon në kategorinë e katërt spanjolle.
Mbrojtësi ishte në pronësi të Peskarës, teksa së fundmi u aktivizua me fanellën e Fermanës në ligën e tretë italiane.
21-vjeçari numëron 13 paraqitje me fanellën e Kombëtares Shpresa, teksa ka arritur të realizojë edhe një gol.
Maloku ka mbajtur edhe shiritin e kapitenit me kuqezinjtë, ndërkohë që ky transferim i tij në ligën e katër spanjolle duket disi i pakuptimtë.
Futbollisti shqiptar do të nisë kështu një kapitull të ri në karrierën e tij, teksa do të tentojë të lërë gjurmë në futbollin spanjoll, për të synuar nivele më të larta.
