Atalanta do të luajë për herë të parë në histori në Ligën e Kampionëve, dhe drejtuesit po përforcojnë skuadrën në mënyrë që të kenë një paraqitje të mirë.
Sipas asaj që shkruan “Calciomercato”, Martin Skrtel, ka mbërritur në Bergamo, dhe do të kryejë vizitat mjekësore me zikaltërit. 34-vjeçari është një lojtar me eksperiencë, dhe drejtuesit mendojnë se ai do të jetë një ndihmesë e madhe, në Ligën e Kampionëve.
Mbrojtësi ka luajtur nga viti 2007 deri në vitin 2016 me Liverpulin, ku ka zhvilluar 320 ndeshje, duke shënuar edhe 18 gola. Në 3 sezonet e fundit, sllovaku u aktivizua në kampionatin turk, me Fenerbahçen, dhe nga 1 korriku ishte një lojtar i lirë, pas përfundimit të kontratës.
Skrtel tani është duke zhvilluar vizitat mjekësore me klubin bergamask, dhe më pas do të nënshkruajë një kontratë 1-vjeçare, me 1 milionë euro në sezon.
