Bledi Shkëmbi u shpreh i kënaqur pas fitores së Teutës 4-0 në miqësore përballë Maliqit.
Në një reagim për mediat, tekniku korçar tha se ekipi i tij është gati për sezonin e ri.
“Një paraqitje e mirë, patjetër që nuk ka shumë rendësi rezultati, por mënyra se si ne kërkojmë të luajmë. Deri diku jemi të kënaqur, por mendoj se kemi akoma shumë punë për të bërë”, tha trajneri i Teutës.
“Patjetër që pretendimet tona janë që në këto 10 ditë të jemi gati. Është normale që nuk mund të jemi në maksimalen tonë, por ky nuk mund të jetë një justifikim. Ne e dimë shumë mirë se është një ndeshje brenda dhe një fillim i mbarë ka të bëjë shumë dhe do të thotë shumë për ne”, ka mbyllur Bledi Shkëmbi.
