Mauro Icardi dhe e ardhmja e tij. Një rebus që nuk është shkrirë ende. As nga futbollisti argjentinas dhe as nga klubi i Inter, që duhet ende të gjejë një marrëveshje me një nga skuadrat e interesuara për sulmuesin.
Në këtë moment, sipas raportimeve të “Sky Sport”, në të vërtetë janë vetëm dy skuadrat e interesuara seriozisht për Icardin, Napoli dhe Roma, sepse Juventus nuk ka formuluar ende një ofertë konkrete, për shkak se bardhezinjtë nuk kanë realizuar shitjet e pretenduara.
Ndërkohë, Icardi vijon të kultivojë një shpresë të fundit që quhet Inter. Sipas asaj që pretendon “Sky Sport”, Icardi është ende i bindur se Inter mundet ende të vendosë të besojë tek ai… në rast se do të dështonte transferimi i Dzekos.