Ish-lojtari i Tiranës, Mervil Ndokyt, duket se do të vijojë karrierën në Kroaci.
Mesfushori 21-vjeçar, u ble nga Getafe kur luante tek Tirana para dy sezoneve, por mungesa e hapësirave në Spanjë, e ka bërë klubin që ta çojë në një aventurë të re.
Siç mësohet, Ndokyt do të huazohet tek Osijeku në Kroaci, për të fituar më shumë minuta. Gjysmën e dytë të sezonit të kaluar, kujtojmë që Mervil ishte i huazuar tek Barcelona B, por në fund katalanasit nuk vendosën ta blejnë kartonin e tij, dhe ai u rikthye sërish te Getafe.
