Nis sfida derbi e Londrës mes Arsenalit e Tottenhamit, që po zhvillohet në “Emirates Stadium” që prej orës 17:30.
“Topçinjtë” e Unai Emery e nisën mirë kampionatin, duke regjistruar dy fitore radhazi, por në testin e parë të vështirë, atë të “Anfield Road” një javë më parë përballë Liverpoolit, u dorëzuan duke pranuar humbjen me rezultatin 3-1.
Megjithatë synimet e Arsenalit janë që të sigurojë pa problem një vend në zonën Champions dhe në sfidën e sotme përballë Totenhamit do të tentojë që të rikthehet menjëherë të fitorja dhe të ngjitet në kuotën e 9 pikëve.
Një start të mirë u duk se bëri edhe Tottenhami në javët e para, sepse pas fitores ndaj Aston Villës në ndeshjen hapëse, arriti të ndalë në barazim 2-2 Manchester City-n në “Etihad Stadium”, por javën e kaluar zhgënjeu në shtëpi përballë Newcastle, ku humbi me rezultatin minimal.
Tekniku Pocchetino e cilësoi aksident humbjen e një jave më parë dhe bëri thirrje që skuadra e tij të reagojë e të fitojë derbin, për të mos humbur kontaktet me kreun e renditjes, ku Liverpooli e City po bëjnë vërtetë mirë.
LIVE| ARSENAL – TOTTENHAM 0-0
FORMACIONET ZYRTARE:
/PANORAMASPORT.AL/
