Mauro Ikardi ishte një nga emrat më të përfolur në merkaton që sapo u mbyll, teksa vetëm në fund arriti të bashkohej me PSG-në.
Bashkëshortja e tij e cila njëkohësisht është edhe agjentja e tij, luajti një rol kyç që sulmuesi argjentinas të largohej nga Interi dhe të firmoste për kampionët e Francës. Ikardi së bashku me bashkëshorten e tij, prej 6 ditësh ndodhen në Paris, teksa futbollisti vazhdon stërvitjen, partnerja e tij duket se po e shijon kryeqytetin francez.
Ajo duket se ka rënë në dashuri me këtë vend, teksa diçka të tillë nuk nguron ta tregojë edhe për ndjekësit e saj në rrjetin social “Instagram”. Në një foto të që ka publikuar 32-vjeçarja, shihet Parisi me pamje nga hoteli ku qëndron Vanda, e cila e shoqëron edhe me një shkrim ku shkruan: “Ëndrrat bëhen gjithmonë realitet”.
Mesa duket shkak që Ikardi të kalonte në Francë, është bërë partnerja e tij, e cila duket se e pëlqen shumë Parisin.
PANORAMASPORT.AL
