Kapiteni i Barcelonës, Andres Iniesta i ka dal në ndihmë Gerard Piques, i cili e festoi golin duke u thënë tifozëve të Espanyolit që të heshtin
Gerard Pique është në luftë të hapur me tifozët e Espanyolit, të cilëve ua bëri me gisht që të heshtin, pas golit që shënoi në barazimin 1:1.
Por, sipas Andres Iniestas një gjest i tillë është edhe i pritshëm, kur dihet se është një derbi.
“Gjëra të tilla ndodhin në derbi. Nuk e di saktësisht çfarë gjesti bëri Pique, por shpresoj se gjithçka të jetë në rregull”, u shpreh Iniesta.
Në anën tjetër, trajneri i Espanyolit ka kritikuar Piquen, duke thënë se ai nuk mund të heshtë tifozët e Espanyolit.
“Pique nuk mund të heshtë tifozët, sidomos jo të tanët”, tha Quique Sanchez Flores.
