Pas një vere të gjatë dhe të mbushur me thashetheme e intriga merkatoje, braziliani Neymar u rikthye të luajë në “Parc Des Princes” dhe u shfaq menjëherë vendimtar, duke shënuar golin që i dha 3 pikët PSG-së.
Sulmuesi brazilian u vërshëllye vazhdimisht nga tifozët e klubit francez, dukshëm të pakënaqur nga kërkesa e tij për t’u larguar nga PSG-ja gjatë verës, por arriti të gjejë një gol spektakolar me roveshiatë, në minutën e dytë shtesë, duke i dhënë fitoren minimale 1-0 skuadrës së tij.
