Carlo Ancelotti është i kënaqur me prezantimin e parë në Europë të Napolit të tij.
“Strategjia ishte që të luanim një ndeshje të plotë. Të bënim presing sa më lart që të ishte e mundur, por të mbronim edhe thellë nëse do të ishte e nevojshme. Ne bëmë gjithçka mirë. Kur Liverpooli ishte në kontroll, ne u mbrojtëm mirë dhe pastaj shfrytëzuam rastet tona. Unë e konsideroj Liverpoolin skuadrën më të mirë në Europë”, tha tekniku italian.
Më pas Ancelotti tregon bisedën me kolegun e tij të Liverpoolit: “Pse qeshëm me Kloppin në fund kur u përqafuam? Sepse i thashë: ‘Mos u shqetëso! Po humbe me Napolin, fiton Championsin”.
