Braziliani Robinjo u dënua nga një gjykatë në Milano me 9 vite burg, pasi në vitin 2013 u akuzua për përdhunimin e një kameriereje shqiptare. 35-vjeçari u dënua në vitin 2017 në mungesë, ndërkohë që vendimi nuk është ekzekutuar ende.
Robinjo ishte pjesë e Milanit në atë kohë, teksa që prej vitit 2017, ka evituar udhëtimet në Itali. Braziliani nuk do të jetë i gatshëm edhe në sfidën e sotme, që skuadra e tij, Bashakshehir, do të zhvillojë ndaj Romës, në kryeqytetin italian.
Futbollisti këtë herë ka nxjerrë si justifikim një dëmtim, për të shmangur udhëtimin në Itali. Robinjo rrezikonte të arrestohej nga policia italiane për veprën penale, për të cilën akuzohet.
