Massimiliano Allegri nga fundi i sezonit të kaluar është i papunë, pasi i dha fund aventurës në stolin e Juventusit.
Emri i teknikut italian është lidhur me Real Madridit kohët e fundit, si një zëvendësues i Zidane.
Megjithatë sipas asaj që shkruan “Calciomercato”, Allegrin mund ta shohim në drejtimin e një skuadre angleze, pasi Tottenhami pritet të nisë kontaktet me italianin, për shkak te rezultateve të dobëta qe Pochettino ka arritur në këtë fillim sezoni.
Pochettino pëlqehet shumë nga presidenti i Realit , Florentino Perez, i cili në rast se largon Zidane, atëherë do të merrte pikërisht trajnerin e Tottenhamit.
