Mattia Caldara beson se ka bërë një zgjedhje më të mirë se ish-lojtari i Atalanta-s Roberto Gagliardini duke iu bashkuar Juventus-it sezonin që vjen.
Gagliardini u largua nga Atalanta për t’u transferuar tek Inter në janar të 2017, por mesfushori ka luajtur pak nën drejtimin e Luciano Spalletti-t këtë sezon dhe Caldara mendon se ishte vendimi i duhur për të shtyrë kalimin te Zonja e Vjetër.
“Vendimi i Gagliardini-t për t’iu bashkuar Inter-it menjëherë? Për mendimin tim, ai tregoi se ishte një lojtar i madh tek Atalanta dhe e meriton Inter-in,” shprehet mbrojtësi për Radio Anch’io Sport.
“Ai nuk po kalon një moment të mirë, por ai do të jetë pjesë e së ardhmes së Italisë. Prapëseprapë, mendoj se kam bërë zgjedhjen më të mirë.”
