Galatasaray dhe Fenerbahce janë ndarë në barazim 0-0 në “Turk Telekom Arena”, i tejmbushur nga tifozët e skuadrës së “Luanëve”, por që u larguan pa parë asnjë gol.
Një ndeshje e shoqëruar me tension dhe disa mundësi për të shënuar, por pa konkretizime nga të dyja skuadrat.
Ishte ngritur një duel i madh, që para se kjo sfidë të fillonte. Vedat Muriqi u personifikua si rivali i një sulmuesi të madh, siç është Radamel Falcao. Gjithsesi të dy nuk arritën të gëzojnë tifozët e tyre, madje sulmuesi kosovar pësoi një goditje në kokë, duke i shkaktuar gjakderdhje, për këtë u detyrua të luajë pjesën tjetër të ndeshjes me kokë të fashuar.
Aktualisht Fenerbahce renditet në vend të dytë me 11 pikë, ndërsa Galatasaray në të pestin me 9 pikë, pas 6 javës të Superligës turke.
