Marko Xhampaolo është në një rrezik të madh për t’u shkarkuar nga stoli i Milanit, pas rezultateve të dobëta që skuadra kuqezi ka marrë në këto javë të para të kampionatin.
4 humbje dhe vetëm 2 fitore ne 6 javët e para të kampionatit për teknikun italian në krye të “Djallit”, teksa ka mundësinë e fundit në ndeshjen kundër Xhenoas, për të treguar ndeshje të mirë dhe për të marrë fitoren.
Shumë persona janë kundër trajnerit italian në krye të kuqezinjve dhe, njëri ndër ta është edhe djali i Zvonimir Bobanit, Rafael.
Nëpërmjet “Instagram”-it, ky i fundit ka reaguar keq ndaj trajnerit, për të cilin shprehet se është pikërisht ai problemi i kësaj skuadre. “Milani ka shumë lojtarë cilësorë, por problemi është trajneri.”, shkruan Rafael Boban.
Madje për Alegrin, emri i të cilit që qarkullon se mund të ulet në stolin e kuqezinjve në rast se largohet Xhampaolo, Rafael shkruan: “Është shumë i fortë.”, duke e pranuar në një mënyrë se dëshiron që ai të drejtojë këtë skuadër.
Madje edhe Zvonimir Boban nuk ka qenë i pranishëm në takimin e sotëm që drejtuesit e Milanit kishin me skuadrën, pasi sipas lajmeve të fundit edhe ai është kundër Xhampaolos.
