Reali është në vendin e parë në kampionat dhe ka nisur të gjejë ritmin e duhur. Skuadra e Zidanit, ka nisur të lidhet dhe tashmë është në rrugën e duhur.
Por, Zidan nuk ndalet me kaq, pasi kërkon një sulmues “vrasës” dhe Gabriel Zhesus e josh atë.
Siç raporton “Don Balon”, Reali është gati të rrëmbejë sulmuesin brazilian, që do të ishte profil ideal për madrilenët.
Do të jetë shumë e vështirë për Realin të arrijë akordin me Sitin, kjo pasi Guardiola nuk do e shiste një sulmues me potencial të madh si Zhesus. Aq më tepër, kur mosha e Agueros nuk premton për shumë vjet.
22-vjeçari luan sezonin e tij të dytë në Angli dhe deri tani në 9 ndeshje ka arritur të shënoj 4 gola dhe të dhuroj një asist.
