Tim Klos prej tre sezonesh luan tek skuadra e Premier Ligës, Noruiç, me të cilët ka zhvilluar paraqitje shumë të mira në sezonin e kaluar.
Mbrojtësi zviceran ishte një nga lojtarët kryesorë që e ndihmuan Noruiçin të ngjiten për këtë sezon në Premier Ligë.
31-vjeçari ka dhënë një intervistë kohët e fundit, teksa tregon vështirësitë e tij në të kaluarën: “Unë isha një pijanec. Kam filluar të pi alkool që në moshën 13-vjeçare. Miqtë e mi ishin më të mëdhenj se mua, të cilat pinin cigare, alkool dhe bënin shumë gjëra të këqija. Ndonëse unë rrija me ata, fillova të bëja të njëjtat gjëra.”, u shpreh mbrojtësi.
Gjithashtu ai tregoi se kishte dëshirë të bëhej futbollist, por po bënte një jetë të shthurur: “Gjithmonë kam dashur të bëhem një futbollist dhe kam qenë në ekipin e të rinjve të Bazelit. Mua më kanë larguar tre herë nga shkolla, pasi gjatë gjithë kohës isha i dehur dhe në pushim pija duhan.
Një natë unë pothuajse kisha një infarkt në zemër, përfundova në një park afër liqenit dhe nuk e dija se ku isha. Isha i vetëm dhe kur u zgjova në mëngjes mendoja se isha në rregull.”, tha zvicerani.
