Holanda ka mposhtur me rezultatin e ngushtë 2-1 Bjellorusinë dhe mbetet në krye të grupit C, me tri pikë më tepër se Gjermania e vendit të dytë. Ishte Wijnaldum ai që i ka dhënë fitoren holandezëve me dopietën e tij në pjesën e parë. Vendasit u rifutën në lojë me golin e Dragun, por nuk arritën të barazonin rezultatin. Një fitore e vuajtur e Holandës.
Ndërkohë Rusia ka mposhtur pa shumë probleme Qipron me rezultatin 3-0. Ishte një fitore bindëse e rusëve të cilët mbeten të sigurt në vendin e dytë të grupit I pas Belgjikës. Ishte Cheryshev ai që shënoi golin e avantazhit përpara se Ozdeov të dyfishonte. I kuqi i Liaifis e bëri akoma më të lehtë fitoren e miqve të cilët gjetën edhe golin e tretë me Dzyuba.
Hungaria ka fituar 1-0 ndaj Azerbajxhanit dhe ngjitet në vend të dytë të grupit E me vetëm një pikë më pak se Kroacia. Ky është një nga grupet më të hapur teksa tri skuadra luftojnë për kualifikimin.
Skocia ka shkatërruar 6-0 San Marinon duke regjistruar fitoren e tretë në grupin I.
