Pas një “ngërçi” që zgjati disa muaj, kanë rinisur punimet për ndërtimin e stadiumit të ri të Partizanit. Ka qenë vetë klubi që nëpërmjet disa postimeve në “Instastory”, ka zbuluar rinisjen e punimeve.
Kujtojmë që klubi i kuq ka projektuar jo vetëm ndërtimin e një stadiumi, por edhe të dy fushave me përmasa olimpike, të cilat do të jenë të përdorshme për kryerjen e stërvitjes nga skuadrat e moshave të akademisë së kuqe. Sa i përket stadiumit, bëhet fjalë për një impiant prej rreth 4000 mijë vendesh.
Në total ky investim pritet të kushtojë rreth 5 milionë euro. Gjasat janë të mëdha që në rast se punimet ecin me rritmë të kënaqshme, kompleksi të jetë gati sezonin e ardhshëm.
