Milani po kalon një formë aspak të mirë, teksa së fundmi dështuan të fitojnë edhe kundër Leçes, ku kuqezinjtë treguan një lojë deri diku të mirë.
Pas barazimit 2-2 kundër Leçes, tifozët ishin shumë të mërzitur me ekipin, dhe në veçanti me Suson, i cili po tregon një formë të dobët kohët e fundit. Tifozët kuqezi filluan sulmet e tyre në rrejtët sociale, ku kërkonin përjashtimin e spanjollit.
Mesa duket për t’i gëzuar tifozët ka menduar Pioli, i cili për ndeshjen me Romën po planifikon ta nisë me Suson nga stoli. Tekniku i ri i Milanit, po mendon të luajë me skemën 4-3-1-2, me Piontek dhe Leao në sulm, ndërsa prapa tyre me Hakan Çalhanoglu.
Duket se sulmuesi spanjoll nuk do të ketë të njëjtin fat me trajnerin e ri, siç kishte me Gatuzon dhe Xhampaolon, të cilët e konsideronin atë një titullar të padiskutueshëm.
