Atletja shqiptare, Luiza Gega, nuk ka ndërmend të ndalet, teksa ditën e sotme ka fituar një medalje bronzi.
30-vjeçarja është e përfshirë me Forcat e Armatosura të Republikës së Shqipërisë, në Policinë Ushtarake.
Ditën e sotme ajo ka zënë vendin e tretë në 3 mijë metra pengesa, duke fituar kështu medaljen e bronzit, në Lojërat Olimpike Ushtarake Botërore, të cilat po mbahen në Uahan të Kinës.
Për këtë medalje të fituar, Luiza Gega ka marrë edhe një urim nga Ministrja e Mbrojtjes, Olta Xhaçka, e cila në një postim në “Facebook” shkruan: “Nëntetare Luiza Gega na nderoi të gjithëve duke fituar medaljen e bronzit.”
PANORAMASPORT.AL
