Alban Tafaj, specialist në sektorin e licencimit të trajnerëve në FSHF, ka bërë një gjest admirimi dhe besnikërie kundrejt presidentit të tij, Armand Duka.
I ndodhur dje në Nion të Zvicrës, ku së bashku me disa trajnerë shqiptarë kanë shkuar në zyrat e UEFA-s për një trajnim disa ditor referuar pajisjes me licencë “UEFA Pro”, ai ka përfituar nga rasti të bëjë edhe një foto me… foton e anëtarëve të Komitetit Ekzekutiv të UEFA-s, që janë varur në mur, siç e kërkon protokolli.
Pas shpinës së Tafajit bie në sy edhe fotoja e Dukës. Tafaji prej disa vitesh është pjesë e FSHF-së dhe hera herës kryen edhe detyrën e delegatit në ndeshje të ndryshme.