Tronditet Luftëtari. Sot, kur skuadra ishte në stërvitje nën urdhërat e trajnerit Giorgos Marantas, duke vijuar përgatitjet për ndeshjen e radhës ndaj Bylisit në shtëpi. Mirëpo, gjatë një momenti në fushë, lojtari Aurel Demo, nuk është ndier mirë dhe më pas është rrëzuar duke humbur ndjenjat.
Kanë qenë menjëherë shokët e skuadrës ata të cilët i kanë dhënë mbrojtësit ndihmën e parë, ndërsa më pas ka ardhur ambulanca, duke e dërguar menjëherë me urgjencë në spital.
“Newsport” mëson se lojtari kishte pasur probleme shëndetësore dhe gjatë një momenti në stërvitje i ka ikur gjuha poshtë. Pasi ka marrë ndihmën e parë në spitalin e Gjirokastrës, lojtari është transportuar në spitalin e Tiranës dhe tashmë gjendja e tij shëndetësore është shumë e mirë.
