Mesut Ozil ka kurorëzuar rikthimin e tij të shumëpritur te Arsenal me një asist të jashtëzakonshëm me thembër, në përballjen ndaj Liverpool në League Cup, ndonëse e përfunduar me suksesin e Liverpool pas ekzekutimit të penalltive 5-5 (6-5).
Mesfushori 31-vjeçar, prej kohësh jashtë planeve të trajnerit të Arsenal, Unai Emery nuk shpërdoroi shansin për të shfaqur vlerat e tij të nivelit më elitar të futbollit. Një sinjal i qartë për atë që mund të vijojë të japë për “Topçinjtë” këtë sezon.
Një gafë fatale e James Milner i mundësoi talentit të arsenal Ainsley Maitland-Niles të duelojë me portierin e Liverpool për topin që pastaj po përfundonte jashtë. Në limite, ishte pikërisht Ozil që hyri si protagonist në aksion, duke rikthyer topin në lojë dhe jo vetëm.
Ajo prekje e gjermanit me thembër u shndërrua në asist për Ainsley Maitland-Niles, që me portën e boshatisur e kishte të lehtë të dërgojë topin në rrjetë, 2-4 në favor të Topçinjve.
Mesut Ozil's assist against Liverpool is a thing of beauty.
You can't teach that. pic.twitter.com/RxYLI9TYvG
— Football HQ (@FootbaII_HQ) October 30, 2019
