Kris Smolling po kalon një formë shumë të mirë në Serinë A, ku luan i huazuar te Roma nga Mançester Junajtid.
Mbrojtësi anglez i ka bindur drejtuesit e Romës, për të marrë përfundimit kartonin e lojtarit dhe kanë nisur kontaktet me Junajtid.
Verdhekuqtë kanë ofruar 15 milionë euro për ta marrë përfundimisht futbollistin, por kjo ofertë është refuzuar nga “Djajtë e Kuq”. Pikërisht nga kjo situatë kërkojnë të përfitojnë dy ekipe të tjera italiane.
Sipas asaj që shkruan “Daily Star”, Milani dhe Interi po e ndjekin me kujdes situatën, dhe do të provojnë ta transferojnë lojtarin në merkaton e ardhshme.
Megjithatë Roma nuk dëshiron ta humbasë lojtarin, dhe shpreson që të arrijë një marrëveshje me Junajtid sa më shpejt të jetë e mundur.
