“Kur nuk ke pulën, do të hash sorrën”, thotë një shprehje e urtë popullore. Dhe ne, duke qenë se nuk kemi shanse për t’u kualifikuar, tani duhet të bëjmë llogari vetëm për të kapur vendin e tretë në grup.
Diçka që po ashtu duket shumë i vështirë, duke parë që e vetmja mundësi që të ndodhë është humbja e Islandës me Moldavinë dhe fitorja e Shqipërisë me Francën.
Nëse kuqezinjtë do të dalin me pikë të barabarta me Islandën, do të renditen përpara tyre, për shkak të golavarazhit në ndeshjet direkte.
Mirëpo ky mision nuk është i lehtë, pasi Franca vjen në Shqipëri me objektivin për të marrë vendin e parë në grup dhe fitorja për ne është diçka jo lehtësisht e realizueshme.
