Dëmtimet dhe mungesat që ka pasur Interi deri në këtë pikë të sezonit, kanë bërë që drejtuesit dhe Konte të kërkojnë hyrjen në merkaton e janarit.
Mediat italiane deri më tani bëjnë me dije se objektivi kryesor është Olivier Zhiru, por Interi është duke ndjekur tre lojtarë që mund t’i përfitojë me parametra zero.
Bëhet fjalë për Vertongen, Eriksen dhe Kurzava, të cilët janë në skadencë kontrate dhe Interi do të tentojë strategjinë e Juves, për t’i transferuar me parametra zero, sipas asaj që raporton “Sport Mediaset”.
Për Vertongen dhe Eriksen, tashmë Interi do të ketë të bëjë dhe me Murinjon, i cili duket se ka qëllim t’i mbajë te Totenhemi.
Nga ana tjetër disi me të thjeshta janë gjërrat për lojtrarin e PSG-së, Kurzava, që mund të jetë një përforcim i dobishëm për janarin.
