Antoine Griezman e pranon që e ka shumë më të vështirë të përshtatet me mënyrën e lojës së Barcelonës, pasi deri tani ishte mësuar me një lloj tjetër loje, që i garantonte atij të shënonte gola me shumicë kur ishte pjesë e Atletico Madrid, apo siç bën në përfaqësuesen e Francës.
Por te kalatanasit ai nuk ka arritur ende të përshtatet me skemat e tyre aq sa duket se i riu Fati po arrin të luajë më mirë rolin e mbështetësit të dyshes Mesi-Suarez sesa francezi.
Sipas Griezman, ka një shpjegim të thjeshtë për arsyen se pse ai nuk është ende në nivelet e kërkuara te Barcelona.
“Unë nuk di si të dribloj, më pëlqen të prek një apo dy herë topin ndërsa ec me shpejtësi. Më pëlqen që të kem topin e pastër para dhe të gjuaj drejt portës”, shpjegoi ai arsyen, e cila sipas tij po e pengon për momentin që të bëjë diferencën te Barcelona ku i jepet prioritet mbajtjes së topit.
