Ndeshja midis Leçes dhe Kaljarit e planifikuar të luhej në 20:45, rrezikon të shtyhet për një ditë tjetër për shkak të motit të keq.
Reshjet e shiut vazhdojnë pa pushim, duke e rënduar fushën dhe duke e bërë të pamundur që ndeshja të zhvillohet aty.
Për shkak të kushteve të këqija klimaterike, për disa minuta kanë ikur edhe dritat në stadiumin “Via del Mare”.
Stadium ka mbetur në errësirë të plotë për disa minuta, me problemin që u rregullua nga kompanitë përgjegjëse për këtë pak minuta më vonë.
Tashmë po vlerësohet gjendja e fushës, dhe pas pak minutash do të vendoset nëse do të zhvillohet ndeshja apo do të shtyhet për një ditë tjetër.
