Ndeshja midis Leçes dhe Kaljarit e planifikuar të luhej në 20:45, është shtyrë dhe shkak për këtë është bërë moti i keq.
Reshjet e shiut vazhdojnë pa pushim, duke e rënduar fushën dhe duke e bërë të pamundur që ndeshja të zhvillohet aty.
Për shkak të kushteve të këqija klimaterike, për disa minuta kanë ikur edhe dritat në stadiumin “Via del Mare”. Stadiumi ka mbetur në errësirë të plotë për disa minuta, me problemin që u rregullua nga kompanitë përgjegjëse për këtë pak minuta më vonë.
Pas vlerësimit të fushës, është marrë vendimi që ndeshja të mos luhet sot, por të shtyhet për një ditë tjetër. Ndoshta ajo do të luhet nesër ose një ditë tjetër, vendim ky që do të merret nga federata italiane e futbollit.
