28 nëntori nuk është një datë si gjithë të tjerat për Çapekoense , por edhe për futbollin modern në përgjithësi. Në këtë datë, tre vjet më parë, ndodhi aksidenti tragjik i skuadrës braziliane, në të cilën vdiqën 71 nga 77 pasagjerët.
Sot, tre vjet më vonë nga ajo tragjedi, Çapekoense ka regjistruar një humbje tjetër të rëndë në fushën e lojës. Nga sezoni i ardhshëm skuadra do të luajë në Serinë B braziliane, për shkak se nuk ka arritur të sigurojë mbijetesën.
Çapekoense u mposht nga Botafogo me rezultatin 0-1, duke u rrëzuar edhe matematikisht një kategori më poshtë. Diçka shumë e keqe për këtë klub dhe tifozët, të cilët pas tragjedisë tani duhet të përballojnë edhe rrëzimin një kategori më poshtë.
