Ashtu si Barcelona edhe Manchester City ka marrë një fitore të thjeshtë në miqësoren e zhvilluar në Japoni ndaj një tjetër skuadre vendase si Yokohama Marinos. Formacioni i Pep Guardiolës fitoi me rezultatin 3-1 një ndeshje e cila u zhbllokua nga e majta potente e Kevin De Bryunes në minutën e 18-të, por nuk kaloi shumë teksa vetëm 5 minuta më vonë vendasit barazuan me Endo.
Megjithatë në pushimin mes dy pjesëve, Manchester City shkoi në avantazhin falë një kundërsulmi të shpejtë të finalizuar me sukses nga Sterling në të 40-ën. Ndërkohë golin që vulosi fitoren e Manchester City-t në këtë duel miqësor e realizoi i riu Nmecha në minutën e 92-të.
