Liverpulit iu desh të kënaqej vetëm me një barazim ndaj Napolit në “Anfield”. Por goli i parë i Dris Mertensit u duk sikur erdhi pas një faulli ndaj Virxhil Van Dajkut, edhe pse ai nuk u sinjalizua nga arbitri. Dhe Rud Gulit thotë se “ndershmëria” e mbrojtësit holandez të kampionëve të Europës mund t’i ketë kushtuar fitoren skuadrës së kuqe.
Gjatë aksionit të golit, sulmuesi i Napolit duket sikur shkaktoi një faull me qëllim ndaj Van Dajkut. VAR-i e ripa aksionin, por goli qëndroi dhe legjenda holandeze e shikon këtë si një pastërti të lojës së bashkatdhetarit të tij. “Njerëzit pyesin përse rrëzohesh në tokë dhe tani besoj e dini arsyen.
Nëse ti nuk e bën, atëherë arbitri mendon se është një ndërhyrje e parëndësishme apo as faull. Kështu që duhet të rrëzohesh, që ajo të marrë vëmendjen që meriton”.
