Me situatën aktuale dhe rezultatet e dobëta të Arsenalit, arritja e vendit të katërt që të çon në Ligën e Kampionëve, është shumë e vështirë.
Në këtë mënyrë shumë vështirë mund të qëndrojë dhe Pier-Emerik Obamejang te “Topçinjtë” e Londrës.
Këtë Reali i Madridit e di shumë mirë dhe është gati që ta marrë lojtarin në Spanjë. Siç raporton “El Desmarque”, klubi është gati t’i bejë Zidanit një dhuratë për të përforcuar sulmin.
Në operacion siç raporton, kjo media me shumë mundësi do të futet dhe Hames Rodriguez, i cili te Reali ka kohë që nuk po gjen veten.
Mbetet tashmë të shihet nëse do të ketë ndonjë lëvizje në merkaton e janarit, apo palët do presin verën për një lëvizje të mundshme.