Arturo Vidal nuk po kalon një moment shumë të mirë te Barcelona, teksa nuk po gjen shumë minuta te katalanasit.
Mesfushori kilian vlerësohet nga Valverde, por nuk e konsideron atë të domosdoshëm në projektin e skuadrës.
Pikërisht kjo situatë e ka sjellë pakënaqësi te futbollisti, i cili në një intervistë të dhënë së fundmi është shprehur: “Nëse nuk ndihem i rëndësishëm, në janar ose në fund të sezonit më duhet të gjej një zgjidhje për tu bërë protagonist. Do doja të qëndroja këtu përgjithmonë, por duhet të jem objektiv dhe ta jetoj atë nga dita në ditë.”, theksoi kiliani.
Interi prej kohësh interesohet për futbollistin, i cili është një dëshirë e madhe e trajnerit Konte. Pikërisht edhe nga intervista e fundit kuptohet që lojtari po mendon largimin, dhe zikaltërit duhet të nisin sulmin e tyre nëse duan ta kenë në ekip.
