Prej dy sezonesh Kukësi, nuk ka një stadium të vetin dhe është detyruar të luajë në impiante të ndryshme.
Punimet në “Zeqir Ymeri” po ecin me ritme të shpejta dhe deri më tani, thuajse kanë përfunduar ngritjet e tribunave.
Presidenti i verilindorëve, Safet Gjici është shprehur se ky stadium do të përfundojë deri në verën e vitit 2020 dhe se Kukësi sezonin tjetër do të luajë në shtëpinë e vet.
Nënkampionët e Shqipërisë janë endur në stadiume të ndryshme, gjë që ka ndikuar jo pak në objektivat e skuadrës sezonet e fundit.
