Kristiano Ronaldo shënoi, mbrëmjen e djeshme në ndeshjen që Juventusi luajti ndaj Bajern Leverkuzenit. Portugezi pas sfidës, foli për “Sky Sport” duke u shprehur për shortin, problemet fizike dhe mënyrën si do të luajë Juventusi në sulm.
Forma? “Ndihem mirë. Problemet fizike i përkasin së shkuarës. Kanë qenë disa javë me një problem në gju, por tashmë jam mirë. Edhe skuadra është mirë, gjërat po vijnë duke u përmirësuar, edhe për mua personalisht. Jam mirë në fushë”.
Tremdhëmbëshi? “Kënaqemi shumë. Kur luaj me Dibalën dhe Higuainin kuptohemi shumë mirë. Është e qartë që vendimet i merr trajneri dhe duhet që ne t’i respektojmë, por nuk mund ta fsheh faktin se kënaqemi shumë kur luajmë së bashku”.
Shorti? “Reali është një ekip i jashtëzakonshëm, por do të ishte mirë të përballeshim më vonë me ta. Do të firmosja të takoheshim në finale”.
