Hakmarrja është një pjatë që shërbehet e ftohtë.
Liverpool e ka zbatuar me përpikëri këtë thënie të vjetër dhe pas 38 pas humbjes 3-0 të pësuar në ish-Kupën Interkontinentale është hakmarrë ndaj Flamengo-s dhe ka fituar për herë të parë në historinë e klubit Botërorin për Klube.
Një kompeticion ky që ka ishte i mallkuar për klubin anglez, që ka humbur tri finalet e luajtura në të kaluarën, ndërsa dy herë të tjera nuk ka marrë pjesë.
Një fitore që ka qenë e vuajtur për skuadrën e Klopp, që ka ardhur pas 120 minutash lojë. Momenti që ka vendosur fatin e ndeshjes ka ardhur në minutën e 99-të të pjesës së parë shtesë, kur braziliani Firmino ka ndëshkuar kuqezinjtë pas një kundërsulmi të shpejtë.
Për herë të parë që nga janari i kaluar, Firmino ka realizuar gol në dy ndeshje të njëpasnjëshme për skuadrën e tij në të gjitha kompeticionet, duke shënuar në të dy ndeshjet e luajtura në Botërorin për Klube.
