Kartoni i kuq për futbollistin e Juventusit Rodrigo Bentakur në finalen e djeshme të Superkupës së Italisë përballë Lacios mund t’i kushtojë më shumë “Zonjës së Vjetër” dhe 22-vjeçarit.
Sipas mediave italiane, reagimi injorues ndaj arbitrit të katërt të sfidës së Riadit, Mareska, mund ta pezullojë lojtarin dhe për ndeshjen e parë të vitit 2020 me Romën në kampionat.
Por, Komisioni Disiplinor do të thotë fjalën e fundit për sjelljen e Bentakurit.
Humbja e Superkupës së Italisë përballë Lacios mbrëmjen e djeshme në Arabinë Saudite ka zhytur në dëshpërim të thellë kampin bardhezi.
