Legjenda e Interit Dejan Stankoviç është emëruar sot trajner i Yllit të Kuq të Beogradit. Ish-futbollisti zikaltër është shprehur tejet i emocionuar për detyrën e re teksa skuadra e njohur serbe është ekipi i parë që drejton si trajner.
“Jam i kënaqur. Më pëlqejnë sfidat. Nuk dua t’u largohem përgjegjësive. Do të jetë e vështirë, çdo detyrë në këtë botë është e vështirë. Është një privilegj i madh të drejtoj këtë skuadër”, deklaron ish-kapiteni i Serbisë.
Stankoviç drejtoi së fundmi akademinë e Interit. Ai është njëri prej lojtarëve më të suksesshëm në historinë e futbollit serb duke fituar 6 kampionate italiane si dhe “tripletën” në vitin 2010 me Interin. Ish-mesfushori serb e nisi karrierën me Yllin e Kuq të Beogradit në vitin 1995 për të arritur suksese të vazhdueshme me Lacion dhe Interin.
Ylli i Kuq i Beogradit u eliminua nga Liga e Kampioneve në edicionin aktual.