Rikthimi në kafaz i Conor McGregor është një biznes i artë për artet marciale mikse (do të duelojë ndaj Donald Cerrone). Kjo gjë dihej, por eventi i ardhshëm, ai UFC-246 që zhvillohet më 18 janar e ku do të duelojë edhe irlandezi e konfirmoi këtë gjë. Sipas mediave amerikane, biletat e hedhura në treg për këtë event janë shitur brenda 24 orësh.
Në total, organizatorët kanë arkëtuar 10 milionë dollarë nga shitja e 20 mijë biletave në eventin që do të zhvillohet në Las Vegas. Fansat e arteve marciale mikse janë lutur për të patur një biletë për këtë event, që rikthen pas 15 muajsh në kafaz ikonën e UFC-së.
Bileta më e lirë ka qenë 350 dollarë, ndërsa ajo më e shtrenjtë 1500 dollarë, ndërkohë që çmimi mund të rritet edhe më shumë në tregun e zi. Edhe Dana White, presidenti i UFC-së ka konfirmuar se biletat janë shitur shumë shpejt dhe se nuk ka më asnjë të mbetur.
Pritet që edhe shitjet PPV (Pay per view-paguaj për ta parë) pritet të jenë të kënaqshme për këtë event.
